Bakı. Şəhriyar Əlizadə – APA. “Ermənilər bütün dünyaya elan ediblər ki, Azərbaycan helikopteri vurub. Həmin helikopterdə isə silah olmayıb”.
APA-nın məlumatına görə, bunu Əsir və itkin düşmüş, girov götürülmüş vətəndaşlarla əlaqədar Dövlət Komissiyasının İşçi Qrupunun rəhbəri Firudin Sadıqov deyib.
F. Sadıqov bildirib ki, həmin helikopterdə silahın olub-olmamasını müəyyən etmək mümkündür: “İndi internet dövrüdür. Həmin helikopter zavoddan çıxanda hansı silahlarla çıxır, bunları internet vasitəsi ilə müəyyən etmək mümkündür. O helikopterdə stasionar silahlar var və çox təhlükəlidir. Digər tərəfdən, Azərbaycanı günahlandırırlar ki, helikopteri vurub. Azərbaycan müharibə şəraitində olan ölkədir. Hava məkanının müəyyən hissələri hərbi təyyarələr üçün bağlıdır. Helikopter Azərbaycan ərazisində – Ağdamda vurulub”.
