Syera Leonedə böyük məbləğdə oğurluq faktı aşkar edilib.
ANS PRESS-in məlumatına görə, Syerra Leonedə Ebola ilə mübarizə fondundan oğurluq aşkar edilib. Bu barədə ölkənin korrupsiya ilə mübarizə idarəsinin açıqlamasında bildirilib.
Açıqlamada milli fondddan oğurluqda şübhəli bilinən 40 nəfərin siyahısının hazırlandığı qeyd edilir.
Korrupsiyaya qarşı mübarizə idarəsinin rəhbəri Cozef Kamara ittiham edilənlər arasında Səhiyyə Nazirliyi məmurlarının, biznesmen və yerli məsləhətçilər şurası başçılarının olduğunu vurğulayıb. O, bu siyahının genişlənəcəyini, hələ bu siyahının “aysberqin görünən tərəfi” olduğunu da sözlərinə əlavə edib.
Qeyd edək ki, ötən həftə yoxlamalar zamanı fondun hesablarından $14 milyon yox olduğu bildirilmişdi.
