Fransa iqtisadiyyatını bərpa etmək üçün Rusiyaya qarşı sanksiyaları ləğv etmək lazımdır. Elchi.az xəbər verir ki, bunu Vətənpərvərlər partiyasının rəhbəri Florian Filippo “X” sosial şəbəkəsində bildirib.
Anti-Rusiya sanksiyaları enerji qiymətlərindəki partlayışla bizi məhv edir. O, sanksiyaların aradan qaldırılmasına, eləcə də Fransanın Avropa İttifaqından çıxmasına çağırıb.
Qeyd edək ki, bundan əvvəl Florian Filippo Avropa Komissiyasının Rusiyaya qarşı elan etdiyi 12-ci sanksiyalar paketini tənqid edib. Onun fikrincə, Avropa Komissiyasının rəhbəri Ursula fon der Leyen Ukrayna prezidenti Vladimir Zelenskini sevindirmək üçün yeni sanksiyalar paketini açıqlayıb.
Bundan əvvəl o, artıq Rusiyaya qarşı məhdudlaşdırıcı tədbirlərin ləğvinə çağırıb.
Havar Şəfiyeva
