Fransanın şimalındakı Arras şəhərindəki liseyin bomba təhlükəsi səbəbindən boşaldıldığı bildirilib.
Milli mətbuatda yer alan xəbərlərə görə, polis qrupları Arrasdakı Gambetta-Carnot Liseyində bomba olduğu xəbərini aldıqdan sonra hərəkətə keçib.
Elchi.az xəbər verir ki, Polis orta məktəbi boşaldıb və məktəbin qarşısındakı insanların çantalarında axtarış aparıb.
Hadisə yerinə bomba zərərsizləşdirmə qrupları da gəlib.
Təxliyə zamanı bir nəfər xəstələnərkən, məktəb işçiləri və şagirdlər təhlükəsiz əraziyə aparılıb.
Oktyabrın 13-də Gambetta-Carnot Liseyində bıçaqlı hücumda fransız müəllimi Dominik Bernard həyatını itirib, 3 nəfər yaralanıb. Hadisədən sonra prokurorluq araşdırmalara başlayıb və 20 yaşlı hücumçu da daxil olmaqla 10 nəfər saxlanılıb.
Şayəstə Hüseynova
