Nigerdə hakimiyyəti ələ keçirən hərbçilər Fransa səfirinin artıq diplomatik toxunulmazlıqdan istifadə etmədiyini bildiriblər .
Elchi.az xəbər verir ki, bu barədə “Livan 24” telekanalı məlumat yayıb.
Keçən həftə üsyançı hərbçilər Fransa səfiri “Sylvain Itte”dən “Fransa hökumətinin Nigerin maraqlarına zidd hərəkətləri” səbəbilə 48 saat ərzində ölkəni tərk etməyi tələb ediblər. Səfir üsyançıların nəzarətində olan ölkənin Xarici İşlər Nazirliyinə edilən zəngə məhəl qoymayıb və onların nümayəndələri ilə görüşməkdən imtina edib. Daha sonra Fransa prezidenti Emmanuel Makron səfirin vəzifəsində qalacağını açıqlayıb.
Hərbçilər həmçinin Fransa qoşunlarının sentyabrın 3-dək ölkədən tamamilə çıxarılmasını tələb ediblər.
Nuranə Məmmədova
