Keçən ayın əvvəli Gədəbəydə keçmiş həyat yoladaşını qətlə yetirib hadisə yerindən qaçan şəxs saxlanılıb.
Elchi.az “Report”a istinadən məlumatına görə, Arıxdam kənd sakini, 1988-ci il təvəllüdlü Mətanət Muxtarovanın boğazını kəsərək hadisə yerindən qaçan 29 yaşlı Fariz Muxtarov aparılan əməliyyat-axtarış tədbirləri nəticəsində saxlanılıb. F.Muxtarovun Şəmkir rayonunda, babasının yanında gizləndiyi məlum olub. O, istintaqa təhvil verilib.
Qeyd edək ki, hadisəni törədən şəxslə qətlə yetirilən qadın 2 il əvvəl boşanıb və onların evliliyindən iki azyaşlı övladı olub.
