Luqanskda Ukrayna böhranı ilə bağlı dördtərəfli görüş keçirilib.
Axar.az xəbər verir ki, bu barədə məlumatı Ukrayna Silahlı Qüvvələrinin general-leytenantı Vladimir Əsgərov bildirib.
Luqanskda dördtərəfli formatda görüşün keçirildiyini qeyd edən Əsgərov Minsk razılaşması ətrafında fikir mübadiləsinin aparıldığını deyib. Həmçinin son vaxtlar regionda silahlı atışmaların şiddətlənməsi məsələsi də müzakirə obyekti olub. Ukrayna tərəfi silahlı qarşıdurmanın dayandırılmasının vacibliyini vurğulayıb.
Görüşdə Rusiya nümayəndəsi Donetskdə yaxın vaxtlarda atəşkəsin bərpa edilə biləcəyini söyləyib.
