Dövlət Gömrük Komitəsi bu gün mətbuatda yer alan “Gömrük Komitəsi qiyməti qaldırıb” başlıqlı məlumatlara münasibət bildirib.
Qurumun Mətbuat Xidmətindən daxil olan məlumata görə, DGK Dərnəgül bazarında taxta işi ilə məşğul olan sahibkarlar tərəfindən verilən həmin məlumatları təkzib edib.
DGK-nın açıqlamasını olduğu kimi təqdim edirik:
“Konkret ünvan və ad göstərilmədən guya sahibkarlara istinadən Dövlət Gömrük Komitəsi tərəfindən Rusiya Federasiyasından idxal olunan meşə materiallarına görə əlavə rüsum alınması barədə informasiyalar yer alıb.
Dövlət Gömrük Komitəsi rəsmi olaraq bildirir ki, ölkəyə idxal olunan bütün mal və nəqliyyat vasitələri yalnız qanunvericiliklə nəzərdə tutulmuş, “Gömrük Tarifi Haqqında Qanun”a uyğun olaraq vergi və rüsumlara cəlb edilir, idxal əməliyyatları zamanı lazım olan müvafiq sənədlər vaxtında və düzgün olaraq gömrük orqanına təqdim edildikdə ən qısa zaman kəsiyində gömrük rəsmiləşdirilməsi həyata keçirilir”.
