Google-un ana şirkəti “Alphabet” öz işçilərini süni intellektli chatbotlara, o cümlədən özünün Bard proqramına qarşı xəbərdar edib.
Elchi.az xəbər verir ki, “Reuters” xəbər agentliyinin 4 fərqli mənbəyə istinadən verdiyi xəbərə görə, texnologiya nəhəngi əməkdaşlarına gizli məlumat və materialları chatbotlara göndərməməyi əmr edib.
Adı açıqlanmayan mənbələr həmçinin bildiriblər ki, “Alphabet” öz mühəndislərinə chatbot tərəfindən yaradılan kodları birbaşa istifadə etməməyi deyib.
“Reuters”-ə bu xəbərdarlığı təsdiqləyən Google, səbəb kimi məxfilik problemləri və məlumatın qorunması siyasətini göstərib.
Çünki şirkətlər süni intellekt yetişdirmək üçün söhbətlərin məzmununu belə chatbotlarda saxlayır. Bundan əlavə, işçilər danışıqlara baxa bilərlər.
Məmmədova Nuranə
