Gülən camaatının lideri: “Yalanlarını etiraf etsə bağışlaya bilərik”
“Gülən camaatı”nın lideri olan Fəthullah Gülən Ərdoğanla barışa biləcəyini deyib. ANS PRESS-in məlumatına görə, Fəthullah Gülən yalnız bir halda – onun oğru olması və yalanlarını millətin qarşısında etiraf etməsindən sonra Ərdoğanı bağışlaya biləcəyini qeyd edib.
“Üzr belə istənilir: etdikləri yalanları, iftiraları, oğurluqları, haramları etiraf edərək millətdən üzr istəyirik. Bu günah işləmiş insanın tövbəsi kimidir. Allah onu qəbul edər, biz də edərik. Yoxsa onlardan üzr istəmək onlar kimi olmaq deməkdir. Bundansa ölmək yaxşıdır”.
Gülən öz camaatının da arasında bəzilərinin vəzifə sevdası, zövqə düşkünlük, rahat həyat arzusu və lüks düşkünlüyü ilə dönüklük etdiklərini deyib.
Gülen ad çəkməsə də keçmiş tərəfdaşlarından biri olan Hüseyn Gülərcəyə söz atıb. “Onlar illərdir bərabər olduqları insanlara arxalarını dönürlər. Gün gələr bizə qarşı da belə edərlər. Bir villa ilə biz gələn insanlar, sabah iki villa verən başqasına üz tutar. Bizə vəfaları olmaz”.
