Gürcüstan rusiyalıların səyahət etdiyi ölkələr sırasında ikincidir.
Elchi.az xəbər verir ki, bu barədə TASS-a Milli Qonaqpərvərlik Sənayesi İttifaqının prezidenti Aleksey Volkov bildirib.
Onun sözlərinə görə, Gürcüstan rusiyalılar üçün Türkiyədən sonra tətil və həftə sonlarını keçirdiyi ən populyar ikinci ölkəyə çevrilib.
Qeyd edək ki, Rusiya mayın 15-dən etibarən Gürcüstan vətəndaşları üçün viza rejimini ləğv edib. Eyni zamanda Rusiyadan Gürcüstana birbaşa aviareyslərin həyata keçirilməsinə başlanılıb.
