Azərbaycanın ali məqsədi ərazisindəki separatçılıq ocağının aradan qaldırılması və gələcəkdə analoji meyllərin baş verməsinin qarşısını almaqdır.
Bu barədə “Caliber”in “YouTube” kanalında yayımlanan yeni süjetdə bildirilir.
Onun müəlliflərinin fikrincə, bunun üçün əsas hədəf işğal illərində Bakı ilə əlaqələrini tam olaraq kəsən və əksinə, həmin əlaqələri İrəvanla quran ərazilərin Azərbaycana təkrar və sıx inteqrasiyasıdır.
“Bakı bu ərazilərin İrəvanla qurulan əlaqələrini tamamilə kəsməyi öz qarşısına məqsəd qoymayıb. Biz anlayırıq ki, bu ərazilərdə Ermənistan əhalisi ilə eyni etnik köklərə malik insanlar yaşayır və bu baxımdan mövcud əlaqələri kəsmək məqsədəuyğun deyil”, – videomaterialda vurğulanır.
Qeyd olunur ki, bugünlərdə Ermənistanın “humanitar şousu” ətrafındakı vəziyyətlə bağlı dünya siyasətinin bir sıra gurultulu isimləri öz açıqlamalarında olduqca qeyri-səmimi görünür və bununla da, faktiki olaraq separatçılığı dəstəklədiklərini pərdələməyə çalışırlar.
Daha ətraflı “Caliber”in yeni süjetində:
