HƏMAS rəhbərinin müavini Saleh Əl-Aruri şənbə günü pan-Ərəb Əl-Cəzirə televiziyasına bildirib ki, Qəzzada atəşkəs əldə olunmayana qədər İsraillə daha heç bir məhbus dəyişdirilməyəcək.
Elchi.az xəbər verir ki, bu barədə “Reuters” məlumat yayıb.
Aruri bildirib ki, hələ də Həmas tərəfindən əsir saxlanılan girovlar İsrail əsgərləri və əvvəllər İsrail ordusunda xidmət etmiş mülki şəxslərdir.
O, atəşkəs olmadığı və bütün fələstinli məhbusların da azad edilməyəcəyi təqdirdə azad edilməyəcəklərini bildirib.
“Müharibə öz axarı ilə getsin. Bu qərar qətidir. Biz bununla bağlı güzəştə getməyəcəyik”, – Aruri deyib.
Nuranə Məmmədova
