Azərbaycanın hərbi hissələrində 270-dən artıq “Etimad qutusu” qoyulub.
Bu barədə “Azərbaycan Ordusu” qəzetinə müsahibəsində respublika baş prokurorunun müavini – ölkənin hərbi prokuroru Xanlar Vəliyev məlumat verib.
O bildirib ki, bu, hərbi qulluqçuların hər hansı bir qanunsuzluğa məruz qaldığı halda vaxtında müraciətetmə hüquqlarından istifadə edə bilmələrini təmin edir.
X.Vəliyev xatırladıb ki, müxtəlif vaxtlarda Respublika Hərbi Prokurorluğu tərəgindən hazırlanan “Hərbi Qanunlar Toplusu” “Hərbi Nizamnamələr və “Əsgər Kitabçası” böyük tirajla çap edilərək hərbi hissələrə göndərilib: “Hazırda bu istiqamətdə işlər davam etdirilir”.
