“Hərbi qulluqçuların pensiyasında müəyyən dəyişikliklərin edilməsi ilə bağlı məlumatlar yayılıb”.
“Report” xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin üzvü Vahid Əhmədovparlamentin bu gün keçirilən plenar iclasında deyib.
Deputat bildirib ki, bu məsələ ilə bağlı dünən Əmək və Əhalinin Sosial Müdafiəsi naziri Sahil Babayevlə danışıb: “Nazir mənə dedi ki, belə bir şey yoxdur. Düzdür, qanun layihəsi hazırlayırıq. Ancaq əsas məqsəd indeksasiya tətbiq etməkdir”.
