Serb Radikal Partiyasının lideri Vojislav Şesel məhkəməyə hörmətsizlikdə ittiham olunub. Elchi.az xəbər verir ki, Serbiyanın “RTS” telekanalı ittiham aktını keçmiş Yuqoslaviya üzrə Haaqa Tribunalının varisi olan Haaqadakı Beynəlxalq Qalıq Mexanizmi təqdim edib.
Şesel və Serb Radikal Partiyasının digər dörd üzvünə qarşı ittiham irəli sürülüb. Onlar iddialarını onunla izah ediblər ki, partiya əvvəllər Haaqa Tribunalında ittiham tərəfinin şahidlərinin Şeselin əleyhinə ifadə vermək üçün necə təlimatlandırıldığını və rüşvət alındığını ifşa edən materiallar dərc edib.
İnterfaks qeyd etdiyi kimi, 2003-cü ildə Haaqa Şeselə qarşı 1990-cı illərin əvvəllərində Balkanlarda baş vermiş hərbi münaqişə zamanı serb könüllü qüvvələrini maliyyələşdirmək və onlara rəhbərlik etməkdə ittiham edib. O, həmçinin 1991-1993-cü illər arasında qeyri-serb əhalini təqib etməkdə və müharibə qanunlarını və adətlərini pozmaqda ittiham olunurdu.
2016-cı ildə Şeselə tribunal tərəfindən tamamilə bəraət verilib, lakin 2018-ci ilin aprelində bəraət hökmü ləğv edilib.
Havar Şəfiyeva
