İsrail-Fələstin münaqişəsinin dayandırılması və daimi sülhün təmin edilməsi məqsədilə təmaslar aparmaq üçün ABŞ-a gedən xarici işlər naziri Hakan Fidan, Nyu Yorkda Qəzza Təmas Qrupunun üzvləri ilə birlikdə Çinin xarici işlər naziri Vanq Yi ilə görüşüb.
Elchi.az xəbər verir ki, Türkiyə xarici işlər naziri Hakan Fidan İsrail-Fələstin münaqişəsinin dayandırılması və daimi sülhün təmin edilməsi istiqamətində danışıqlar aparmaq üçün ABŞ-ın Nyu-York şəhərinə gedib.
Fidan İslam Əməkdaşlıq Təşkilatı və Ərəb Liqasının Qəzza Təmas Qrupunun üzvləri ilə birlikdə Çinin xarici işlər naziri Vanq Yi ilə görüşüb.
Nazir Fidan ötən bazar ertəsi İspaniyanın Barselona şəhərində keçirilən Aralıq dənizi İttifaqının Qəzza üzrə 8-ci Regional Forumunda və dünən Belçikanın paytaxtı Brüsseldə NATO Xarici İşlər Nazirləri Toplantısında iştirak edib. Bu görüşlərdə əsasən Qəzza məsələsi müzakirə olunub.
Nuranə Məmmədova
