Sabah Azərbaycanda havanın temnperaturu ötən günlərlə müqayisədə yüksələcək, temperatur bəzi yerlərdə 16 dərəcə isti təşkil edəcək.
Virtualaz.org Ekologiya və Təbii Sərvətlər Nazirliyinin Milli Hidrometeorologiya Departamentinə istinadən bildirir ki, Bakıda və Abşeron yarımadasında martın 11-də havanın dəyişkən buludlu olacağı, arabir tutulacağ, əsasən yağmursuz keçəcəyi gözlənilir. Gecə və səhər bəzi yerlərdə zəif duman müşahidə ediləcək. Cənub küləyi əsəcək, gündüz arabir güclənəcək.
Bakıda və Abşeron yarımadasında havanın temperaturu gecə 3-5, gündüz 8-12 dərəcə isti olacaq.
Martın 11-12-də Abşeron yarımadasında atmosfer təzyiqinin zəif və mülayim tərəddüdü meteohəsas insanlasr üçün əsasən əlverişlidir.
Azərbaycanın rayonlarında martın 11-də hava əsasən yağmursuz keçəcək. Lakin gecə və səhər bəzi yerlərdə duman olacaq. Cənub küləyi arabir güclənəcək.
Aran rayonlarında havanın temperaturu gecə 0-5, gündüz 11-16 dərəcə isti təşkil edəcək. Dağlarda gecə 0-5 dərəcə şaxta, yüksək dağlıq ərazilərdə 12-17 dərəcə şaxta, gündüz 5-10 isti olacaq.
