“Türkiyənin Şuşada konsulluq açmasını dəfələrlə qeyd etmişik. Təkcə, Türkiyənin deyil, Qazaxıstan, Qırğızıstan, Özbəkistan və Türkmənistanında Şuşada konsulluq açması Türk birliyinin gücləndirilməsina töhfə verəcək”.
Elchi.az xəbər verir ki, bu fikirləri politoloq Məhəmməd Əsədullazadə FB hesabında bildirib:
“İran Qafanda konsulluq açıb. Bu, Azərbaycana qarşı olan siyasətin tərkib hissəsidir. İranın Ermənistanda siyasi mövqeyini gücləndirmək cəhdi Vaşinqtonun Nikol Paşinyana qarşı təzyiqlərinə yol aça bilər.
Ağ Ev Paşinyandan Rusiyanın ölkəsində siyasi mövqeyini zəiflətmək və onun layihələrindən çıxmaq üçün təlimatlar verir. Nikol Paşinyan Rusiyanı ABŞ-a düşmən olan İranla əvəz edir. Ermənistan regionda riskli oyun oynayır və Azərbaycanla sülhdən yayınmaq üçün istənilən addıma gedir. Baxmayaraq ki, hazırkı siyasət Qərbin maraqlarına uyğun deyil.
Şuşada Türkiyə konsulluğunun açılması geosiyasi çağırışların tələbidir. Qeyd edim ki, İsrailin də konsulluğunun Şuşada açılmasını təmin etməliyik.
Hazırda Qərbin siyasətində Zəngəzur dəhlizinin açılması dayanır”.
Yeganə
