“Schwarzkopf”, “Syoss”, “Fa”, “Persil” brendləri altında kosmetika və məişət kimyəvi məhsulları istehsal edən Almaniyanın “Henkel” konserni Rusiyadakı biznesini yerli investorlardan ibarət konsorsiuma satıb.
Elchi.az xəbər verir ki, əməliyyatın məbləği 54 milyard rubl (600 milyon avro) olub.
Press-relizdə deyilir ki, dövlət qurumlarından bütün icazələr alınıb, əməliyyatın yaxın vaxtlarda bağlanması gözlənilir.
“Henkel”in Rusiyadakı biznesinin yeni sahibi olacaq konsorsiuma “Augment Investments”, “Kismet Capital Group” və “Elbrus Services” daxildir.
Yeni şirkət “LAB Industries” adlanacaq. Onun icraçı direktoru Sergey Bikovski bildirib ki, yüksək rəhbərlik iş yerlərinin saxlanmasına, artan həcmlərlə istehsal proseslərinin keyfiyyətinə xüsusi diqqət yetirəcək.
Yeganə
