Çinin “kəmər və yol” layihəsinə alternativ olaraq elan edilən Hind-Avropa marşrutunu dəyərləndirən ekspertlər, quru, dənizi birləşdirən layihənin texniki çətinliklərinə diqqət çəkərək “Bu fantastik və xəyalpərəst bir layihədir” şərhini verib.
Elchi.az xəbər verir ki, Hindistanın paytaxtı Yeni Dehlidə keçirilən G20 Zirvə Toplantısında imzalanan Hindistan-Orta Şərq-Avropa İqtisadi Dəhliz Razılaşması ilə Hindistandan Almaniyaya qədər uzanan bir dəhliz yaradılmasına qərar verilib.
Müqaviləni imzalayan ABŞ, Hindistan, Səudiyyə Ərəbistanı, Birləşmiş Ərəb Əmirlikləri, Fransa, Almaniya, İtaliya və Avropa Birliyi qısaca IMEC kimi tanınan layihə ilə Çinin “Kəmər və Yol” layihəsinə alternativ yaratmağı hədəfləyir. Hindistanın Mumbay limanından başlayan marşrut Ərəbistan yarımadası, İsrail və Aralıq dənizi vasitəsilə Yunanıstana, oradan da Avropaya uzanır.
Şayəstə Hüseynova
