Hindistanın Sikkim əyalətində daşqın nəticəsində həyatını itirənlərin sayı 31-ə yüksələrkən, itkin düşən 100-dən çox adamın axtarış-xilasetmə işləri davam edir.
Elchi.az xəbər verir ki, Sikkimdə bir bənddə suyun səviyyəsinin qalxması nəticəsində baş verən sel fəlakətində itkilər getdikcə ağırlaşır.
Səlahiyyətlilər, 22 mindən çox insanın təsir etdiyi təbii fəlakətdə 4-ü əsgər olmaqla ən azı 31 nəfərin öldüyünü açıqlayıb.
Bundan əlavə, Hindustan Times-ın məlumatına görə, itkin düşən 100-dən çox insan üçün axtarış-xilasetmə işləri davam edir.
Seldə yaralanan 26 nəfərin müalicəsi ştatın müxtəlif xəstəxanalarında davam etdirilir.
Bildirilir ki, daşqın həddindən artıq yağışdan sonra su elektrik bəndinin daşması nəticəsində baş verib.
Şayəstə Hüseynova
