Hindistanın baş naziri Narendra Modi ölkənin bu il G20-yə ev sahibliyi edəcək ölkə kimi rolunun inkişaf etməkdə olan dünyanın problemlərinin işıqlandırılmasına yönəldiləcəyini bildirib və Afrika İttifaqını forumun daimi üzvü olmağa dəvət edib.
Elchi.az Apnews.com-a istinadən xəbər verir ki, Modi bu barədə Yeni Dehlidə keçirilən “Business 20” (B20) sammitində deyib:
“Bizim inklüzivlik vizyonumuz var və bu vizyonla Afrika İttifaqı ölkələrini G20-nin daimi üzvü olmağa dəvət etdik”.
Qeyd edək ki, B20 gələn ay Hindistanın paytaxtında keçiriləcək 20 zəngin və inkişaf etməkdə olan ölkənin zirvə toplantısının bir hissəsi olan spin-off tədbiridir.
Üç gün ərzində dünyanın müxtəlif ölkələrindən olan sənaye və siyasət liderləri davamlı təchizat zəncirlərinin qurulması, rəqəmsal transformasiya, inkişaf etməkdə olan ölkələrin üzləşdiyi borc problemləri və iqlim dəyişikliyi məqsədlərinə necə nail olmaq kimi mövzuları müzakirə ediblər. Təşkilatçıların sözlərinə görə, onların tövsiyələri G20 ölkələrinin hökumətlərinin diqqətinə təqdim olunacaq.
Yeganə
