Livandakı Hizbullahın İsrailin şimalındakı Safed şəhəri yaxınlığındakı hərbi məntəqəyə 48 “Katyuşa” raketi atdığı, həmçinin sərhəddəki 6 hərbi nöqtəyə də hücum etdiyi bildirilib.
Elchi.az xəbər verir ki, Hizbullah İsrailə qarşı hücumları ilə bağlı yazılı açıqlama verib.
Açıqlamada, İsrailin şimalındakı Safed şəhəri yaxınlığında, sərhəddən ən az 10 kilometr aralıda yerləşən Ayn Zaytim hərbi məntəqəsinə 48 Katyuşa raketinin atıldığı bildirilib.
Bundan əlavə, Harba Maar, Marabda, Birka Rişe, Cəl əl-Aləm, Ed-Duhayra hərbi məntəqələri və İsrail sərhədində yerləşən Sasa qəsəbəsində toplanan əsgərlərin “idarə olunan raketlər və müvafiq silahlarla” hədəfə alındığı qeyd edilib.
Oktyabrın 8-dən İsrail ordusu ilə baş verən qarşıdurmalarda həyatını itirən Hizbullah üzvlərinin sayı 85-ə yüksəlib.
Nuranə Məmmədova
