Hollandiya hökuməti 2023-cü il büdcəsindən Ukraynaya hərbi və humanitar yardım üçün 2,5 milyard avronun ayrıldığını açıqlayıb.
Elchi.az Trthaber.com.tr-yə istinadən xəbər verir ki, bu məbləğ ilk növbədə hərbi texnikanın təminatı, dağıdılmış şəhərlərin bərpası, infrastruktur və üst tikililərin təmiri, törədilmiş cinayətlərin araşdırılması üçün istifadə olunacaq.
Hollandiyanın baş naziri Mark Rutte Tvitter səhifəsində yazıb:
“Rusiya mübarizəni davam etdirdikcə, Hollandiya Ukraynaya kömək etməyə davam edəcək. Biz 2023-cü ildə hərbi, humanitar və diplomatik yardım üçün 2,5 milyard avro ayırmışıq. Mən bunu Zelenskiyə telefon danışığında çatdırdım”.
Ukraynaya yardım 2,5 dəfə artacaq
Hollandiya Müdafiə Nazirliyinin açıqlamasında 2022-ci ilin fevral-dekabr aylarında Ukraynaya edilən yardımın ümumilikdə 987 milyon avroya çatdığı bildirilib.
Beləliklə, 2023-cü il büdcəsindən yardımın 2022-ci ildə nəzərdə tutulan məbləğdən 2,5 dəfə çox olacağı nəzərdə tutulur.
Hollandiyanın Ukrayna xalqı ilə həmrəyliyini nümayiş etdirdiyi bəyanatda 2,5 milyard avroluq yardımın Avropa İttifaqının (Aİ) Ukraynaya ayırdığı vəsaitlər çərçivəsində olmadığı paylaşılıb.
Avropa Şurası Ukraynaya 18 milyard avroluq yardımı ehtiva edən paketin qəbul edildiyini açıqlayıb.
Yeganə
