Təxminən 5 aya yaxın davam edən və ssenaristlərin təşəbbüsü ilə başlayan və ABŞ-da film və serial sənayesinin ürəyi sayılan Hollivudda aktyorların da qatıldığı tətil, studiyalarla əldə olunan razılaşmanın ardından bu gün səhər saatlarında rəsmən başa çatıb. xəbər verir ki, Elchi.az xəbər verir ki, Amerika Yazıçılar Gildiyası (WGA) həmkarlar ittifaqı liderlərinin yekdilliklə tətili dayandırmaq qərarına gəldiyini açıqlayıb.
WGA-nın 11,500 üzvü daha sonra əmək haqqının artırılması və sənayedə süni intellektin istifadəsinə qarşı təminatları ehtiva edən 3 illik razılaşmaya səs verəcək. Səsvermənin 2-9 oktyabr tarixləri arasında keçirilməsi gözlənilir. Müqavilənin rədd edilməsinin nəzəri ehtimalı olsa da, bu, mümkünsüz hesab edilir.
Ssenaristlərin tətili mayın 2-də başlayıb, Ekran Aktyorları Assosiasiyası (SAG) iyulun 13-də tətilə qoşulub.
Sənayenin son 60 ildə gördüyü ən böyük və ən uzun kollektiv aksiya olan tətil səbəbiylə film və televiziya istehsalı böyük ölçüdə dayandırıldı.
Milken İnstitutundan iqtisadçı Kevin Klowdenin hesablamalarına görə, tətil ABŞ iqtisadiyyatına təxminən 5 milyard dollar ziyan vurub.
Mayın 2-də başlayan tətil Kaliforniya ştatının iqtisadiyyatına milyard dollarlıq zərbə vurdu. Yemək iaşə və geyim şirkətləri, dülgərlər və operatorlar kimi ssenaristlərin tətilindən bir çox müxtəlif sənayelər də təsirləndi.
Tətil səbəbindən dayanan dünyaca məşhur Amerika istehsalı olanlar arasında The Handmaid’s Tale, Hacks, Severance, Yellowjackets, The Last of Us, Stranger Things və bəzi gecə şouları var.
Tətil bitdikdən sonra bunlardan bəzilərinin ekranlara qayıdacağı gözlənilir.
Nuranə Məmmədova
