Honda Motor-un 2022-ci maliyyə ilində xalis mənfəəti ötən maliyyə ilindən 1,7 faiz azalaraq 5,2 milyard dollar olub.
Elchi.az xəbər verir ki, Honda aprel 2022-mart 2023-cü il dövrünü əhatə edən 2022-ci maliyyə ili balans hesabatlarını ictimaiyyətə açıqlayıb.
Müvafiq olaraq, Honda-nın 2022-ci maliyyə ilində xalis mənfəəti əvvəlki maliyyə ilindən 1,7 faiz azalaraq 695,2 milyard yen (5,2 milyard dollar) olaraq qeydə alınıb.
Son maliyyə ilində əməliyyat mənfəəti 3,7 faiz azalaraq 839,4 milyard yenaya (6,24 milyard dollar), satış gəlirləri isə 16,2 faiz artaraq 16,9 trilyon yenaya (125,8 milyard dollar) düşüb.
Artan xammal xərcləri, yarımkeçirici təchizatı problemi və bir müddət Çində tətbiq edilən Kovid-19-un yaratdığı məhdudiyyətlər xalis mənfəətin azalmasına təsir edib.
ABŞ bazarında avtomobil satış rəqəmlərinin yüzdə 28, Çin bazarında isə yüzdə 20-yə qədər azalmasının da bu vəziyyətdə təsirli olduğu vurğulanıb.
Honda 2022-ci maliyyə ilində 3,69 milyon avtomobil satıb.
Honda, 2024-cü ilin martında başa çatacaq 2023-cü maliyyə ilində xalis mənfəətin 800 milyard yenaya (5,94 milyard dollar) yüksələcəyini gözləyir.Yapon şirkəti sözügedən dövrdə 4,35 milyon avtomobil satmağı hədəfləyir.
“Yarımkeçirici təchizatının 2023-cü maliyyə ilinin ikinci yarısının birinci yarısından etibarən tədricən bərpa ediləcəyi və 2024-cü maliyyə ilində və ondan sonrakı illərdə normal vəziyyətə düşəcəyi gözlənilir” – Honda vitse-prezidenti Aoyama Shinji mətbuat konfrasında bildirib.
Nuranə Məmmədova
