Yəməndə İranın dəstəklədiyi husilərin siyasi bürosunun üzvü Əli əl-Kəhhum ABŞ-ın Yəməndəki hədəflərinə qarşı hücumlarının “effektiv olmadığını” və onların hücumlarına qarşı ABŞ ilə açıq müharibəyə hazırlaşdıqlarını bildirib.
Elchi.az Anadolu Agentliyinə istinadən xəbər verir ki, Husilərin (Ənsarullah Hərəkatı) siyasi bürosunun üzvü Əli əl-Kəhhum bu barədə açıqlamada verib.
Yəmənin dövləti, xalqı və ordusu ilə ABŞ-la müharibəyə hazırlaşdığına işarə edən Kəhhum deyib:
“Yəmən dövləti, onun rəhbərliyi, silahlı qüvvələri və xalqı ayıq-sayıq vəziyyətdədir və ABŞ-la açıq müharibəyə hazırlaşır. “Fələstin və ümmətin bütün səbəbləri naminə Amerika, İngiltərə və İsrailin təmsil etdiyi Böyük Şeytanla birbaşa üz-üzə gəlmək böyük şərəfdir”.
Kəhhum ABŞ ilə müharibənin “vəd edilmiş bir fəth və cihad” olduğunu vurğulayıb.
ABŞ-ın Yəmənə hücumlarının səmərəsiz olduğunu müdafiə edən Kəhhum, “ABŞ və İngiltərənin Yəmənə hücumlarının heç bir təsiri olmayıb və olmayacaq. “Bu, suverenliyi və beynəlxalq hüququ pozan hücum və cinayətdir”- qiymətləndirməsini edib.
Əli əl-Kəhhum deyib: “Bu terrorçu ABŞ-dır və bu onun cinayətidir. Bu açıq müharibədir və davam edir. Hücumlarına görə peşman olacaqlar və bunun əvəzini ağır ödəyəcəklər. Yəmən böyük milləti, dövləti, rəhbərliyi, silahlı qüvvələri, güclü əli və hərbi imkanları ilə böyükdür”.
Kəhhum ABŞ-a qarşı qələbə qazanana qədər mübarizə aparacaqlarını, düşmənlərinə qarşı reaksiyalarının sərt və acınacaqlı olacağını qeyd edib.
Nuranə Məmmədova
