Yəməndəki husilər ABŞ-ın Oman vasitəsilə onlara mesaj göndərdiyini, Yəmənə müharibə elan etməklə və cəbhələri səfərbər etməklə hədələdiyini açıqlayıb.
Elchi.az bu barədə Anadolu Agentliyinə istinadən xəbər verir.
Husilərin Ali Siyasi Şurasının üzvü Məhəmməd Əli əl-Husi öz hesabından yazılı açıqlama verib.
Husi Fələstin xalqına verdikləri dəstəyə işarə edərək, “ABŞ-ın bu təhdidi Yəmən xalqının Qəzza zolağında Fələstin xalqının soyqırımını və blokadasını rədd etməsidir”,-deyib.
ABŞ-ın təhdidini yerinə yetirəcəyi təqdirdə bunun uğursuzluqla nəticələnəcəyini vurğulayan Husi, “Biz onlara (ABŞ-a) bəyan edirik ki, bu təhdidləri həyata keçirmək üçün hər hansı bir macəra və ya axmaqlıq uğursuzluğa məhkumdur və heç bir düşmən hərəkəti xalqımızı çəkindirə bilməz. Məqsədlərindən Qəzzaya dəstək olmaqdır”.
Yanvarın 23-də husilər ABŞ və Böyük Britaniyanı “hərbi gəmilərini Qırmızı dənizdən geri çəkməyə” çağırıblar .
Husilərin xarici işlər nazirinin müavini adlandırılan Hüseyn əl-Azzi sülh tərəfdarı olduqlarını və ABŞ-ın Yəmən və Fələstin xalqına münasibətdə mövqeyinin dəyişməsinə ümid etdiklərini bildirib.
Husilərin müdafiə naziri adlandırılan Məhəmməd əl-Atifi, “Amerika və Britaniya qüvvələri ilə uzun müharibəyə hazırıq. Yəmənə xidmət etmək üçün dəniz qüvvələri ilə döyüş qaydalarında əsaslı dəyişiklikləri və mühüm qiymətləndirmələri tamamladıq”,-ifadəsini işlətdib.
Nuranə Məmmədova
