Böyük Britaniya qara çay qıtlığı ilə üzləşib. Yəmən husi üsyançılarının Qırmızı dənizdə gəmilərə hücumları nəticəsində ölkə sakinləri ənənəvi içkisiz qalıb.
Elchi.az xəbər verir ki, bu barədə “The Times” qəzeti krallığın ticarət şəbəkələri və təşkilatlarındakı mənbələrə istinadən yazır .
Yerli mağaza şəbəkələri müştərilərə çay qıtlığı barədə xəbərdarlıq etdi; böyük pərakəndə Sainsbury’s problemləri ilk bildirən oldu. Şirkət nümayəndələrinin qeyd etdiyi kimi, tədarükün kəsilməsi müvəqqəti xarakter daşıyacaq və istehlakçılara cüzi təsir göstərəcək. Bununla belə, ekspertlər qıtlığın qiymət inflyasiyasına, qiymətlərin artmasına və bir sıra malların əlçatanlığının azalmasına səbəb olacağını deyirlər.
İxrac və Beynəlxalq Ticarət İnstitutunun məlumatına görə, Böyük Britaniyanın çay tədarükünün yarıdan çoxu Hindistan və Keniyadan gəlir . Hazırda ticarət gəmiləri Ümid burnu vasitəsilə Afrika qitəsini dolanaraq Süveyş kanalından yayınmağa məcbur olurlar. Bu səbəbdən logistik xərclər artıb, çatdırılma müddətləri 10-14 gün artıb. İnstitutun baş direktoru Marko Forgionenin sözlərinə görə, fasilələr uzun aylar davam edəcək.
Nuranə Məmmədova
