İlham Əliyev Bakının Binəqədi rayonunun ərazisində olan məsciddə olub. 
Prezident İlham Əliyev doğum günündə Qafqazın ən böyük məscidinin açılışını edib.”Qafqazinfo” xəbər verir ki, prezident Bakının Binəqədi rayonunun ərazisində olan məscidlə tanış olub.
Qeyd edək ki, məsciddə dörd min insan eyni vaxtda ibadətlə məşğul ola biləcək. Şirvan memarlıq ənənələrinə uyğun tikilən məscid dörd minarədən və irili-xırdalı doqquz günbəzdən ibarət olacaq. Xüsusi oyma detallarla bəzədiləcək günbəzlərdən ən böyüyünün diametri 36 metrdir. Baş günbəzin ətrafında 24 ədəd üç metr hündürlüyündə şam qoyulub. Bu şamların altında isə dini ayələr quraşdırılıb.
Xatırladaq ki, bu gün Azərbaycan prezidenti İlham Əliyev üçün özəl gündür. Onun 53 yaşı tamam olur.
