Rusiya Azərbaycan Prezidenti İlham Əliyevin Müstəqil Dövlətlər Birliyinin (MDB) Sankt-Peterburqda keçiriləcək qeyri-rəsmi sammitində iştirak edəcəyini gözləyir.
Elchi.az xəbər verir ki, bunu Rusiyanın xarici işlər naziri Sergey Lavrov Azərbaycanın xarici işlər naziri Ceyhun Bayramovla görüşdə deyib.
“Ayın sonunda, Milad günlərinin əvvəlində Sankt-Peterburqda Ali Avrasiya İqtisadi Şurasının iclasları və MDB-nin ənənəvi qeyri-rəsmi sammiti keçiriləcək, biz burada ötən illərdə olduğu kimi, Azərbaycan Prezidenti İlham Əliyevin də iştirakını gözləyirik”, – o bildirib.
Lavrov Azərbaycan- Rusiya münasibətlərinin yüksəlişdə olduğunu qeyd edib:
“Oktyabrın 12-də, iki ay əvvəl, Bişkekdə liderlərimiz MDB sammiti çərçivəsində çıxış edərək müttəfiq, strateji qarşılıqlı fəaliyyətimizi dərinləşdirməyə sadiq olduqlarını təsdiqlədilər”.
