Moskva polisinin cinayət axtarış bölməsinin əməliyyatçıları azərbaycanlı milyarder İlham Rəhimova məxsus “Sadovod” bazarında şir və pələng əti, habelə bu heyvanların dərisini aşkar ediblər.
Virtualaz.org saytı Rusiya saytlarına istinadən xəbər verir ki, bazarda Amur pələnginin və Uzaq Şərq leopardının əti və dərisi aşkarlanıb. Bu heyvanlar “Qırmızı kitab”a düşüblər və onların ovlanması qadağandır.
Bildirilir ki, qara bazarda bu heyvanların ətinin 1 kiloqramı 100 min rubl, başı və budu 250 min rubl, dərisi 700 min rubldur. Bütün bunlar spesifik müalicə preparatlarının və Şərq mətbəxinin delikates yeməklərinin hazırlanması üçün istifadə olunur.
Hazırda bu cinayət əməlini törədən – heyvanları ovlayan və onların ətinin bazarda satışını təşkil edən şəxslərin axtarışı gedir.
Virtualaz.org
