Amerikalı milyarder İlon Mask X sosial şəbəkə hesabında ABŞ-ın hazırkı prezidenti Co Baydenin yaşı ilə bağlı kəskin açıqlama verib.
Elchi.az bu barədə Reuters.com-a istinadən bildirir.
Biznesmen 81 yaşlı Respublikaçı lider Mitç Makkonelin Senatda yatdığı videonu dərc edən istifadəçilərdən birinin postuna cavab verib.
“Makkonel və Bayden məzarın gözətçisi rolunun (“Məzardan gələn nağıllar” serialının personajı – Red.) məşqlərində makiyajsız və xüsusi effektlər olmadan iştirak edə bilərdilər”, – deyə Mask qeyd edib.
Milyarder başqa bir tvitində Makkoneli təqaüdə çıxmaq vaxtı çatan yazıq oğlan adlandıraraq, başına gələnləri ölkəyə biabırçılıq kimi təsvir edib.
Xatırladaq ki, bundan əvvəl Makkonnelin 2026-cı ildə yenidən prezidentliyə namizədliyini irəli sürmək planları barədə suala səssiz qalaraq dondurulmuş videosu geniş tənqidlərə səbəb olmuşdu. Videoda Makkonelin köməkçisi sualı senatorun qulağına yüksək səslə təkrarlayır, lakin onu donmuş vəziyyətdən çıxara bilmir.
Qeyd edək ki, 2023-cü ildə 81 yaşı tamam olan Bayden ABŞ tarixinin ən yaşlı prezidentidir.
Yeganə
