Tailandda çəkilmiş bu video sosial şəbəkələrdə sürətlə paylaşır, Yutubda baxış rekordları qırır. Videoda ağır yol-nəqliyyat qəzasında həlak olmuş qadının vücudundan ruhunun çıxdığı anların əks olunduğu iddia edilir.
Milli.Az xəbər verir ki, hadisə Tailandın Lopburi şəhərinin yaxınlığındakı “Phibun Songkram Camp”da yaşanıb.
Yolu dönməyə hazırlaşan pikap tipli avtomobilin sürücüsü soldan hərəkət zolağı ilə sürətlə yaxınlaşan motosikletçi qadını görmür. Qadın motosikletin sürətinin öhdəsindən gələ bilmir və motosiklet pikapa dəyəndə qadın zərblə yol kənarındakı beton dirəyə çırpılır, dərhal keçinir. Bir neçə saniyə sonra isə həlak olmuş qadının vücudundan ruhu çıxır.
Videonu tənqid edənlər, görüntülərin montaj olduğunu deyənlər də az deyil.
Lakin bu gün bəlli olub ki, videonun çəkildiyi məkandakı videomüşahidə kamerası da eyni olayı qeyd edib.
