Ermənistan paytaxtında bahalaşmaya etiraz əlaməti olaraq oliqarxlara məxsus supermarketlərdən alış-veriş etməyi dayandırmağı qərarı verilib.ANS PRESS-in məlumatına görə, bu gün İrəvanda yüzlərlə insan Ermənistan hökumətinin binasının qarşısında toplaşaraq dramın qiymətdən düşməsinə və bahalaşmaya etiraz edib.
Onlar hökumətə altı tələb təqdim ediblər və onların yerinə yetirilməsi üçün dekabrın 23-ə kimi müddət qoyublar.
“Əgər dekabrın 23-ə kimi tələblərimiz yerinə yetirilməzsə, biz oliqarxların supermarketlərini boykot edəcəyik – oradan alver etməyəcəyik”, – deyə etiraz aksiyasının təşəbbüs qrupunun üzvü Hayk Qriqoryan jurnalistlərə bildirib.
Etiraz aksiyasının iştirakçıları hökumətdən tələb edir ki, ilkin tələbat mallarının, qazın qiyməti aşağı salınsın, inhisarçılıq aradan qaldırılsın.
