İyunun 1-də İrəvanda “Avrasiya məkanında Ermənistan-Rusiya münasibətlərinin inkişafı” adlı konfrans keçiriləcək.
Elchi.az bu barədə News.am-a istinadən xəbər verir.
Tədbir Aİİ Beynəlxalq Hüquq Əməkdaşlıq Mərkəzi (Rusiya), “İnteqrasiya və İnkişaf” QHT (Ermənistan) və Avrasiya Ekspert Klubu tərəfindən təşkil olunub.
“Beynəlxalq Sənayeçilər və Sahibkarlar Konqresi” Birliyinin rəhbəri İrina Mitroxina, “ Rusiya Erməniləri İttifaqının” nümayəndəsi Avet Adonts, Ermənistan ərazi infrastrukturu və inkişaf nazirinin müavini Hakob Vardanyan, Ermənistan-Rusiya Slavyan Universitetinin fəxri professoru Arşak Sarkisyan, Rusiya və Ermənistanın dövlət idarəetmə orqanlarının nümayəndələri, diplomatik nümayəndələr, korpus nümayəndələri, iş adamları, politoloqlar, hüquqşünaslar və digər ekspertlər iştirak edəcəklər.
Tədbir iştirakçıları hüquq və azadlıqlar, Aİİ ölkələrində ixtisaslı hüquqi yardımın alınması ilə bağlı məsələləri müzakirə edəcək, biznes və vətəndaşların hüquqlarının müdafiəsi sahələrində təcrübə mübadiləsi aparacaqlar. Konfrans çərçivəsində Ermənistan-Rusiya ticarət-iqtisadi əlaqələri, istehsalat əməkdaşlığı, təhsil, elm sahəsində birgə layihələr, eləcə də əlverişli investisiya mühitinin formalaşdırılması müzakirə olunacaq.
EAEU Beynəlxalq Hüquq Əməkdaşlıq Mərkəzinin direktoru Dmitri Stasyulisinin sözlərinə görə, bu konfrans iki dövlət arasında dostluq və əməkdaşlığın dərinləşməsi yolunda mühüm addım olacaq. Tədbirin əsas tərəfdaşı onun rəhbəri Eduard Budantsevin təmsil etdiyi “Qanunun aliliyi” hüquq birliyidir.
Yeganə
