İrəvanın Respublika meydanından bir qrup fəal Laçın dəhlizinə avtoyürüş keçirir. Elchi.az erməni mətbuatına istinadə xəbər verir ki, iştirakçılar Qorusdə ilişib qalmış qarabağlı erməni uşaqları ilə görüşəcək, onlara hədiyyələr təqdim edəcəklər. Daha sonra Laçın dəhlizinin bağlı olduğu hissəyə qədər yollarına davam edəcəklər.
Aksiya iştirakçısı Samvel Movsisyan jurnalistlərə deyib: “Biz bir neçə layihə həyata keçiririk, o cümlədən “Artsaxda 100 ev” layihəsi, bugünkü proqram “Şaxta baba hamıya baş çəkir” adlanır. İndi yol bağlandığına görə Artsaxa qayıda bilməyən uşaqlarla görüşmək üçün Qorusa gedirik. Onlara hədiyyələr verəcəyik, uşaqlarla nahar edəcəyik.
Bundan sonra biz nəzarət-buraxılış məntəqəsinə keçib, erməni polislərimizlə, daha sonra isə Rusiya sülhməramlıları ilə danışıqlar aparmağa çalışacağıq. Biz əlimizdən gələni etməliyik, burada oturub gözləyə bilmərik. Biz sadəcə olaraq Artsaxı sevdiyimizi bəyan edib geri otura bilmərik”.
Fəalın sözlərinə görə, yol boyu onlara başqa vətəndaşlar da qoşulacaq.
Şayəstə
