İran Avropa İttifaqı (Aİ) və Böyük Britaniyanın bəzi İranlı şəxslərə və qurumlara qarşı tətbiq etdiyi sanksiyalara cavab verəcəyini açıqlayıb.
Elchi.az İranın rəsmi xəbər agentliyi İRNA-ya istinadən xəbər verir ki, Xarici İşlər Nazirliyinin sözçüsü Naser Kənani Aİ və Böyük Britaniyanın Tehrana qarşı tətbiq etdiyi son sanksiyalarla bağlı açıqlama verib.
Aİ və Böyük Britaniyanın sanksiyalarını pislədiklərini qeyd edən Kənani deyib:
“Aİ və Britaniya rejiminin bu hərəkəti onların İranın nüfuzu ilə bağlı çaşqınlıqlarının, eləcə də İran həqiqətlərini tam şəkildə anlamaqda zehni acizliklərinin əlamətidir.
İran bu cür uğursuz siyasətlərə cavab vermək hüququnu özündə saxlayır və tezliklə Avropa İttifaqı və Böyük Britaniyada insan haqlarını pozanlara və terrorizmi dəstəkləyənlərə qarşı sanksiyaların yeni siyahısını açıqlayacaq”.
Xatırladaq ki, dünən Aİ ölkələri İranda Məhsa Əmini adlı gənc qadının ölümündən sonra başlayan nümayişlərə qarşı müdaxilələrdə iştirak etdiklərinə görə 18 İran vətəndaşı və 19 təşkilata qarşı sanksiya tətbiq etmək qərarına gəlib.
Britaniya həmçinin nümayişlərin yatırılmasında, insan haqlarının pozulmasında və casusluqda ittiham olunan İran-İngiltərə vətəndaşı Əli Rza Əkbərin edamına görə bəzi İran rəsmiləri və təşkilatlarını sanksiya siyahısına saldığını açıqlayıb.
Yeganə
