İran Böyük Britaniyanın Muhsin Şikarinin edamına görə İranın ədliyyə işçilərinə qarşı sanksiyalar tətbiq etməsinə cavab olaraq bu ölkənin Tehrandakı səfirini Xarici İşlər Nazirliyinə çağırıb.
Elchi.az xəbər verir ki, bu barədə İran Xarici İşlər Nazirliyindən verilən yazılı açıqlamada, “İngiltərənin İranda terror və qarışıqlıqlara verdiyi dəstək və iranlılara qarşı qeyri-qanuni sanksiyalardan sonra” bu ölkənin Tehrandakı səfiri Saymon Şerklifin nazirliyə çağırıldığı bildirilib.
Etirazlarla bağlı London administrasiyasının sanksiyalarının “İranın daxili işlərinə müdaxilə” olduğu vurğulanan bəyanatda Britaniya səfirinə İranın sanksiyalara cavab vermək hüququnun olduğunu xatırladıldığı bildirilib.
İranda Mahsa Emini etirazları ilə əlaqədar edam cəzasına məhkum edilən Muhsin Şikarinin edamına görə İngiltərə dünən İranın London səfirliyinin müvəqqəti işlər vəkili Mehdi Hüseyn Mətini Xarici İşlər Nazirliyinə çağırıb.
Dövlət katibi Ceyms Kleverli Twitter-dəki paylaşımında “etirazçılara qarşı təzyiqlərlə əlaqədar İran məhkəmə hakimləri və həbsxana rəsmilərinə sanksiya tətbiq etdiklərini” açıqlayıb.
İngiltərə Xarici İşlər Nazirliyindən verilən açıqlamada, Cleverly-nin “Biz öz fikirlərimizi İran rəsmilərinə açıq şəkildə bildirdik. İran dərhal edamları dayandırmalı və öz xalqına qarşı zorakılığa son qoymalıdır” ifadəsini işlədib.
Şayəstə
