Tərəddüdlərdən sonra İran hakimiyyəti də “İŞİD”-i bombalamağa başlayıb.
Elchi.az-ın “Bi-Bi-Si”-yə istinadən məlumatına görə, Pentaqonun mətbuat katibi, kontr -admiral Con Kirbi bildirib ki, İranın Hərbi Hava Qüvvələri İraqın şərqində “İraq Şam İslam Dövləti” (“İŞİD”) yaraqlı qrupuna hava zərbələri endirib.
Məlumata əsasən İran “F-4” Fantom” qırıcılarla əməliyyat keçirirb.
İstefada olan admiral Con Kirbi dekabrın 2-də Qərb xəbər agentliklərinə müsahibəsində deyib ki, həmin zərbələr ABŞ qüvvələri ilə koordinasiya olunmayıb.
Onun sözlərinə görə, Tehranın birinci dəfə İran daxilindən İraqdakı hədəflərə hava zərbəsi endirdiyini ABŞ təsdiqləyir.
Bir neçə gün öncə məlumatlar yayılmışdı ki, İran qırıcıları İraqın Diyala vilayətində “İŞİD” yaraqlılarını hədəfə alıb.
Kirbinin fikrincə, hava məkanında müxtəlif ölkələrin hərbi uçuşlarına İraq hökuməti nəzarət etməlidir.
İranın “İŞİD”-ə qarşı uçuşlarda İraq qüvvələrinə yardım etdiyi bildirilib. ABŞ rəsmiləri dəfələrlə bildirib ki, Vaşinqton İranla hərbi fəaliyyəti koordinasiya etmir.
