İran Beynəlxalq Atom Enerjisi Agentliyinin (MAQATE) Fordo bölgəsindəki uran zənginləşdirmə obyektində elan edilməmiş dəyişikliklə bağlı təqdim etdiyi hesabatın doğru olmadığını iddia edib.
Elchi.az xəbər verir ki, İranın Mehr Xəbər Agentliyinin məlumatına görə, paytaxt Tehranda nüvə sənayesi ilə bağlı tədbirə qatılan İranın Atom Enerjisi Agentliyinin sədri Məhəmməd İslami MAQATE-nin son hesabatı ilə bağlı jurnalistlərin suallarını cavablandırıb.
Xəbərin qeyri-dəqiq olduğunu bildirən İslami deyib:
“Agentliyin yeni müfəttişlərindən biri səhvən İranın Şəhid Əli Muhammedi uran zənginləşdirmə zavodunda iş prosedurunda elan edilməmiş bir dəyişiklik olduğunu bildirdi. Lakin əvvəlki müfəttişlər gələndə obyekt, sözügedən müfəttiş onlara edilən izahatlardan sonra öz səhvini başa düşdü. MAQATE Katibliyi ilə koordinasiyalı işlədikdən sonra məsələ əslində həll olundu”.
Dünən MAQATE-nin üzv ölkələrə göndərdiyi hesabatda Fordo nüvə obyektində uranı yüzdə 60 saflığa qədər zənginləşdirən iki IR-6 sentrifuqa massivi arasında qarşılıqlı əlaqədə elan edilməmiş dəyişiklik edildiyi bildirilib.
Yeganə
