İranın Sənaye, Mədən və Ticarət nazirinin müavini Mənuçöhr Manteki IRNA-ya müsahibəsində deyib: İranın altı avtomobil istehsalçısı 25 illik strateji tərəfdaşlıq planı çərçivəsində Çinlə birgə elektriklə işləyən avtomobillər istehsal edəcək.
Elchi.az bu barədə BBC.com-a istinadən xəbər verir.
Manteki bildirib ki, İranın altı avtomobil istehsalçısı, o cümlədən iki böyük avtomobil – SAIPA Automotive Group və Iran Khodro Industrial Group (IKCO) Çin şirkətləri ilə elektrik avtomobillərinin birgə istehsalına dair müqavilə imzalayıblar.
Çinin hazırda elektriklə işləyən avtomobil istehsalında dünyanın lider ölkəsi hesab edildiyini deyən nazir bildirib ki, müxtəlif ölkələr öz avtomobillərini elektriklə təchiz etmək üçün Çinlə əməkdaşlıqda maraqlıdırlar və bu Asiya ölkəsi ilə texnoloji müqavilələr imzalayırlar.
İranın Sənaye Nazirliyi elektrik avtomobil sənayesinin rəqabət qabiliyyətini artırmaq üçün hərtərəfli proqram hazırladığını bildirib və əlavə edib ki, birinci mərhələdə yanacaq sərfiyyatının azaldılması və elektrik enerjisi ilə işləyən avtomobillərin düzgün istifadəsinə və onların üstünlüklərinə diqqət yetirilib.
Yeganə
