İranda özünü yalandan şeyx adı ilə təqdim edən şəxs edam edilib.
Modern.az xarici KİV-lərə istinadən xəbər verir ki, həmin şəxs özünü “təriqət şeyxi” kimi tanıdıb insanların dini duyğularından istifadə edərək maddi qazanc əldə edib.
Əsasən psixoloji problemləri olan adamları sehr və cadu yolları ilə müalicə edəcəyini deyən “şeyx” onları aldadıb.
Məhkəmə həmin yalançı şeyxə ölüm hökmü oxuyub. Həmin şəxsin kimliyi haqqında məlumat verilmir. Onu da qeyd edək ki, onun həyat yoldaşı da eyni cinayəti törətdiyi üçün edam cəzasına məruz qalacaq.
