Elchi.az xəbər verir ki, İranın Kirman şəhərindəki hərbi bazanın yataqxanasında əsgər 5 əsgər yoldaşını güllələyib.
İranın Kirman şəhərindəki hərbi bazada əsgər terror törədib. İran Ordusunun Cənub-Şərqi Regional Qərargahının komandanı briqada generalı Əmir Qulamalian açıqlamasında bildirib ki, mühafizə postunu tərk edən əsgər yataqxanaya basqın edərək 5 əsgər yoldaşını güllələyərək öldürüb. Naməlum əsgərin yoldaşlarına niyə atəş açdığının hələlik məlum olmadığını bildirən Qulamalian, hücumdan sonra bazadan qaçan əsgərin tutulması üçün əməliyyatın başladığını bildirib.
Şayəstə Hüseynova
