“2 günə 2 ayın alverin etmişik“
“France 24“ TV kanalının yaydığı xəbərdə deyilir ki, fevralın 14-dü dünyanın bir çox ölkələrində Valentin günü qeyd olunur. Sevgililər günü kimi populyar olan bu gün İranda rəsmən qadağandır. Bu il də İran rəsmiləri Valentin günü münasibəti ilə insanların bir-birinə hədiyyə vermələrinin qarşısını almağa çalışıb. İran rəsmiləri mağazalarda “Valentin Günü” ifadəsinin belə işlədilməsini yolverilməz hesab edirlər.
Bu gün mağazalarda gül, şokolad, yumşaq materialdan hazırlanmış heyvan oyuncaqların satışına xüsusi fikir verilir. İranın bəzi mühafizəkar şəhərlərində iş adamlarına xəbərdarlıq edilib ki, Valentin günü münasibəti ilə malların satışına icazə verilməsin. Bu qadağaya qoşulan polis idarələri isə daha da qabağa gedərək: “Mən səni sevirəm” kimi ifadələrin işlədilməsini də yasaqlayıb. TV kanal bildirir ki, İranın mühafizəkar sabiq prezidenti Mahmud Əhmədinejat da Valentin gününə qarşı aqressiv mövqedən çıxış edirdi.
Onun göstərişi ilə fevralın 14-də kafe və restoranlar həmişə olduğundan daha tez qapadılırdı. Mağaza sahiblərindən biri bildirirb ki, bütün basqılara baxmayaraq İranda Valentin günü çox populyardır. İnsanlar fevralın 12-dən hədiyyələr almağa başlayıblar. Son iki gündə etdiyimiz alver son iki aydakı alış-verişdən çox olub.
