Politoloq Turab Rzayev son zamanlar İranın Azərbaycandakı agent şəbəkəsi ilə bağlı maraqlı məqamlara toxunub. Elchi.az xəbər verir ki, politoloq maksimum 1 həftə ərzində İranın Azərbaycan ərazisindəki agent şəbəkəsinin çökdürüləcəyini bildirib.
T.Rzayev bu barədə şəxsi Feysbuk hesabında qeyd edib:
“İran xüsusilə, son dönəmlərdə Azərbaycan dövlətinin sinir uclarına toxunmağa başlamışdı.
Azərbaycanın Zəngəzur koridoruna qarşı açıq düşmənçilik, İran XİN rəhbərinin Ermənistan səfəri, Qafanda konsulluq açılması İran düşmənçiliyinin sistematik olmasını deməyə əsas verir.
İran bizim ve Türkiyə sərhədlərində hərbi təlimlər keçirməklə, açıq düşmənçilik nümayiş etdirib. Eyni zamanda Azərbaycana qarşı dövlət dəstəkli güclü media kampaniyası aparılır. Naxçıvanın blokadada olmasından istifadə edərək, muxtar respublikanı işğal etmək təklifləri irəli sürülür.
Güney Azərbaycanda soydaşlarımızın hüquq və azadlıqlarının pozulması, milli gənclər qarşı repressiya tam sürətlə davam edir. Bu ölkəyə qarşı konkret addımlar atmağın zamanı yetişir”.
Şəlalə
