İranın nüvə müzakirələri üzrə nümayəndə heyəti sabah Vyanaya səfər edəcək.
Elchi.az-ın məlumatına görə, bunu İranın Xarici İşlər Nazirliyinin sözçüsü Səid Xətibzadə bu gün keçirdiyi həftəlik mətbuat konfransında deyib.
O bildirib ki, İran İslam Respublikasının Vyana müzakirələrində qırmızı xətti sanksiyaların ləğvidir.
“Qərb dövlətləri bu gün Vyana sınaq qarşısındadır və top onların ərazisindədir. ABŞ rəsmiləri bilməlidir ki, BMT-nin 2231 saylı qətnaməsi altında öz dağıdıcı və səhv qərarlarını ilə İran xalqının cibinə girə bilməzlər. Onlar İran xalqının etimadını qazanmalıdırlar.”
