ABŞ-ın rəhbərlik etdiyi koalisiya İraqın Əl-Fəlucə şəhəri yaxınlığında İŞİD terror qruplaşmasının avtomobil karvanına aviazərbələr endirib.
APA-nın “Reuters”ə istinadən verdiyi xəbərə görə, bunu Ağ Evin rəsmi nümayəndəsi Coş Ernest deyib.
Zərbələr nəticəsində terrorçulara məxsus 200 avtomobil məhv edib.
“Koalisiyanın iki pilotu iyunun 29-da gecə saatlarında Əl-Fəlucə şəhəri istiqamətində iki avtomobil karvanının irəlilədiyini müəyyənləşdirərək, zərbələr endirib. Birinci karvanda 150, digərində isə 50-dən çox avtomobil məhv edilib”, – deyə Ernest bildirib.
