Dağlıq Qarabağın yekun statusunun müəyyənləşdirilməsi şərti və işğal olunmuş ərazilərin sülh yolu ilə azad olunması tələbi hər zaman qüvvədə qalır.
Bunu gün Moskvada keçirdiyi mətbuat konfransında Rusiya xarici işlər naziri Sergey Lavrov bildirib.
Lavrov münaqişənin həlli ilə bağlı bir sıra sənədlər mövcud olduğunu da bəyan edib.
Nazir, həmçinin ötən ilin aprelində təmas xəttində baş verən hadisələrdən də danışıb: “Ötən ilin aprelində baş vermiş qanlı hadisə dərin narahatlıq yaradır. Rusiya həmin vaxt qan tökülməsinin qarşısının alınmasında vacib rol oynayıb. Vyanada, daha sonra Sankt-Peterburqda Azərbaycan və Ermənistan prezidentləri insidentlərin araşdırması mexanizminin işə düşməsi və təmas xəttində ATƏT müşahidəçilərin artırılması barədə razılığa gəldi. 2011-ci ildə də insidentlərin araşdırılması məsələsi Həştərxan görüşündə müzakirə edilmişdi. Bu tədbirlər olduqca önəmlidir. İnsidentlərin araşdırılması və ATƏT müşahidəçilərinin sayının artırılmasına dair razılıq ATƏT-də konsensusun olmamasına görə reallaşmır. Bunu təşkilatın üzvlərindən də maraqlanmaq olar”.
